Речичси 55 илјади домаќинства останаа без електрична енергија ноќеска откако бури и поројни дождови ја погодија јужна Полска.
Телевизискиот канал ТВН 24 јави за ретката појава во таа држава – торнадо кое уништило најмалку 50 домови. Повредени се две лица.
Околу 400 спасувачи работат на справување со последиците од бурите кои оштетиле или уништиле над 230 куќи. На некои места паѓал град со големина на јајце. Метеоролошката служба објави дека е можно и други делови од државата да бидат погодени од невремето.