Десет лица се ранети во пукотница во Лејкленд, Флорида, соопшти градската полиција. Пукањето се случи во градот Лејкленд вчера околу пладне, а две лица се во критична состојба, соопшти полицијата, пренесе АП.
Полицијата во Лејкленд сè уште не идентификувала ниту еден осомничен и објавила на Фејсбук дека нуди награда од 5.000 долари за информации за напаѓачите.
Началникот на полицијата во Лејкленд, Сем Тејлор, рече дека истражителите веруваат дека нападот не бил случаен и дека жртвите биле цел. Тој додава дека на местото на престрелката е пронајдена марихуана, а истражителите веруваат дека непосредно пред пукањето на местото на инцидентот имало продажба на дрога.