Последната минута од последниот час оваа сабота ќе биде продолжена за една секунда, за да се надополни побавното движење на Земјата. Последната минута на 30 јуни 2012 година ќе трае 61 секунда.
„Престапната секунда“ ќе биде додадена на светските атомски часовници со што би се фатил чекорот со забавеното вртење на Земјата околу својата оска.
Во сабота атомските часовници ќе покажуваат 23 часот и 59 минути и 60 секунди, пред да покажат дека е полноќ .
На Земјата и требаат повеќе од 86. 400 секунди за да направи круд околу својата оска. Но, поради гравитацијата од Месечината, Сонцето и плимата и осеката, ја забави својата ротација за една секунда. Поради таа секунда, Земјата не е веќе усогласена со координираното светско време кое е прецизно дури и во милијардите дел од секундата.
Доколку не се прилагодува времето на овој начин, часовниците би отишле толку напред што Сонцето би изгревало на пладне.