Неколку илјади луѓе се собраа во западните европски претстолнини Лондон, Рим, Мадрид и Париз во знак на поддршка на сирискиот народ, кој веќе четврта година е во судир со режимот на претседателот на Сирија, Башар Ал Асад.
Како што пренесе „Франс прес“,во Лондон во Даунинг стрит, каде што се наоѓа канцеларијата на премиерот се собрале околу 1.000 луѓе, кои со сириски знамиња во раце ја осудиле меѓународната заедница поради пасивност во врска со сирискиот судир.
Повеќето од демонстрантите биле Сиријци, како што било и на сличниот собир во Рим, каде што се собрале околу 3.000 лица.
Неколку стотици луѓе протестирале во Мадрид и Париз, додека во Вашингтон околу 1.000 лица се собрале пред Белата куќа, каде што ги читале имињата на жртвите и скандирале слогани против сирискиот претседател.
Елена Георгиевска