Одлуката на египетскиот суд за ослободување на осудените функционери од поранешниот режим на Хосни Мубарак во случајот „Војна на камилите” беше повод за масовни протести на плоштадот Тахрир пред зградата на Државното обвинителство во Каиро, јавува Anadolu.
Демонстрантите бараа обновување на постапката.
Ослободените поранешни функционери обвинети се за праќање полициски трупи на коњи и на камили во февруари минатата година за да ги разбијат демонстрантите кои протестираа со цел да го урнат тогашниот режим на претседателот Хосни Мубарак, кога страдаа многу луѓе.
„Народот бара праведен суд”, се извикува на плоштадот Тахрир.
Некои демонстранти за Anadolu велат дека ќе седат пред зградата на обвинителството се додека судската постапка против ослободените не се повтори.
Во текот на демонстрациите дојде и до помали инциденти кога се судрија две групи демонстранти.
До судирот дошло поради тоа што некои демонстранти барале смена на функционерот во Советот на Муслиманските браќа, Мухамед Беди.