Терористичката група во Сомалија Аш Шабаб конфискувала британска помош вредна речиси половина милион фунти, објави Дејли телеграф.
Тврдењата на весникот за терористичката група поврзана со Ал Каеда се дадени по анализа во британското Министерство за меѓународен развој.
Конфискувањето било извршено во изминатите три месеци за време на различни инциденти во Сомалија. Помошта била одземена од фирми со кои соработувале од Министерството.
Не се прецизира какви испораки се во рацете на Аш Шабаб, но експерт од секторот за помош за меѓународен развој нагласува дека станува збор за голема количина материјали кои може да им помогнат на терористите долго време.