Тибетскиот будистички лидер Далај Лама е оптимист за иднината на човештвото, истакнувајќи оти пандемијата со новиот корнавирус покажа дека луѓето си помагаат едни со други.
Ако седум милијарди жители на планетата развијат чувство на единство, можеби така ќе се обединат за решавање на проблемот со климатските промени, изјави Далај Лама за Би-Би-Си.
Тој додаде дека е „важно да се сфати дека не сме само поединци, туку дека зависиме од заедницата, чиј дел сме“.
– Во минатото постоеше преголем акцент на поединечни континенти, нации и религии, а сега е застарен таквиот начин на размислување, посочи Далај Лама.