Црвениот крст повика денеска итно да бидат обезбедени 15,5 милиони долари за помош на Севернокорејци кои настрадале во поплави каде има голем број жртви.
Потврдени се најмалку 138 смртни случаи, а речиси 400 луѓе се сметаат за исчезнати по поплавите од крајот на август во североисточните региони. Сто и четириесет илјади луѓе имаат потреба за помош, наведуваат ОН.
Десетици илјади домови се оштетени и околу 70.000 Севернокорејци се без живеалиште.
Во летото 2012 година во поплави и лизгање на земјиште во Северна Кореја загинаа 169 луѓе, 212 илјади беа раселени, а уништени беа 650 квадратни километри обработлива површина.