Главната израелска преговарачка Ципи Ливни денеска најави дека Израел ќе донесе драматични одлуки за да се постигне конечниот мировен договор, со кој ќе се стави крај на судирите со Палестинците.
Ливни, која е и министер за правда, предупреди дека во израелската Влада на Бенјамин Нетанјаху има така наречени јастреби, кои се обидуваат да и ја отежнат работата.
Изјавата на Ливни уследи откако неименуван палестински претставник наведе дека израелските и палестинските преговарачи денеска повторно ќе се сретнат за да ги продолжат преговорите обновени кон крајот на јули во Вашингтон.