Моќниот тропски циклон Еван однесе четири жртви во Апиа, главниот град на Самоа, покажуваат официјалните податоци објавени денеска од властите на малата островска држава во јужниот дел на Тихиот Океан.
Еван, проследен со силни ветрови и големи океански бранови, во четвртокот го погоди крајбрежјето на Самоа. Тој е првиот циклон во летната сезона во јужната хемисфера.
Телевизијата Еј-Би-Си објави дека бурата се движи кон островите Фиџи, каде веќе е почната масовна евакуација на населението, пренесува БТА.
Според податоците на синоптичарите брзината на ветерот достигнува 180 километри на час и засега станува збор за циклон од трета категорија, со можност да зајакнува. Се очекува Еван да стигне до бргот на Фиџи утре вечер.