Американската разузнавачка агенција ЦИА вчера отвори профил на Фејсбук и налог на Твитер.
Само 16 часа по отворањето на налогот на Твитер, ЦИА доби 374 илјади следбеници.
– Ние сме првата линија на одбрана на нацијата. Го постигнуваме она што другите не можат да го постигнат и одиме онаму каде другите не можат да одат, пишува во текстот кој ЦИА го објави на Твитер.
Агенцијата квалитетно ги насмеа корисниците на популарната социјална мрежа со својот прв твит.
– Не можеме да потврдиме, ниту да демантираме дека ова е нашиот прв твит, се пошегуваа од ЦИА на своја сметка.
Тие им посакаа добредојде на сите, кои сакаат да ги следат и нагласија дека со задоволство ќе ги споделуваат со нив содржините, кои не се доверливи.