Четири лица се убиени во пукање во предградието на Чикаго, Тинли Парк, а властите го опишаа инцидентот како „случај на семејно насилство“.
„Сторителот е во притвор, а местото на настанот е обезбедено. Поради тековната истрага, ги замолуваме жителите да се држат настрана од областа“, се вели во соопштението, пренесува АП.
Официјалните лица веднаш не објавија повеќе информации за пукањето.
Американските медиуми јавија дека четири жени се убиени во пукање во јужните предградија на Чикаго.
На прес-конференција попладнево, началникот на полицијата во Тинли Парк, Том Тилтон, рече дека нема закана за јавноста.