Најмалку четири лица загинаа денеска во циклонско невреме во јужната индиска држава Тамил Наду, изјави висок државен претставник.
Силен дожд и ветрови зафатија неколку области во државата Тамил Наду, оштетувајќи имот и предизвикаа прекини на електричната енергија, објави Ројтерс.
Циклонот Мандус, кој падна на копно во петокот доцна навечер, оштети 185 куќи и колиби. Невремето откорна 400 дрвја во главниот град на државата Ченаи.
Речиси 25.000 луѓе, вклучително и персонал за помош при катастрофи, беа вклучени во напорите за помош и повеќе од 9.000 луѓе беа евакуирани на безбедно во 201 камп за помош.