Најмалку четири лица загинаа при експлозија на автомобил-бомба во близина на пазар во сирискиот град Африн, контролиран од опозициските сили поддржани од Турција, соопштија спасувачките служби и меѓународни набљудувачи.
Цивилната заштита соопшти дека бројот на жртвите најверојатно ќе се зголеми.
Сирискиот центар за мониторинг на човекови права, со седиште во Велика Британија, објави дека во нападот загинале шест лица, додека 12 се повредени, меѓу кои две деца.
Експлозијата се случила во центарот на Африн во провинцијата Алепо, недалеку од седиштето на вооружените групи.
Турција и сојузничките сириски сили го зазедоа Африн во 2018 година во операција кога беа протерани локалните курдски борци, кои Турција ги смета за терористи, како и раселени илјадници курдски жители.