Четири лица, меѓу кои и едно дете, беа убиени во напад со украински беспилотни летала врз Новоросијск, изјави денес гувернерот на Краснодарската област Венијамин Кондратиев.
– Синоќа нашите војници одбија масовен напад на непријателски беспилотни летала во регионот. Главниот удар беше врз Новоросијск. За жал, четири лица беа убиени, меѓу кои и едно дете, се вели во соопштението, пренесе РИА Новости.
Уште 29 лица беа повредени во нападот, а тројца од повредените се во тешка состојба, додаде Кондратиев.