Чешките археолози во Абисур во близина на египетскиот главен град Каиро пронашле гроб на принцеза од петтата династија, од периодот помеѓу 2500 до 2350 година пред нашата ера.
Според нив, ова најголемо уникатно откритие во последните 20 години, е нова гробница, чија фасада е украсена со статуи.
Внатре се најдени украсени лажни врати и четири бисти на принцезата Нефер, што значи убавица.
Гробницата со сала на влезот и ходник кој води кон надгробните споменици била врежана во карпа и се наоѓа на познатата некропола на староегипетските владетели.
Хиероглифите на украсените столбови откриваат дека тоа е гробница на „ќерката на кралот, на сопствената крв, на неговата омилена, со почит кон моќниот Бог“.