Лабуристичката влада на Австралија ќе даде приоритет на справувањето со „темната сенка“ на трговската војна меѓу САД и Кина во својот нов мандат, изјави денес министерот за економија во заминување Џим Чалмерс, по убедливата изборна победа на партијата.
„Непосредниот фокус е на глобалната економска неизвесност, САД и Кина и што тоа значи за нас. Она што се случува, особено меѓу САД и Кина, фрла темна сенка врз глобалната економија… Мораме да имаме способност, и ќе имаме способност, да управуваме со таа неизвесност“, изјави Чалмерс за Австралиската радиодифузна корпорација, објави Ројтерс.
Претставници од САД и Кина им се придружија на лидерите од целиот свет во честитките до австралискиот премиер во заминување, Ентони Албанезе, и неговата партија за победата на вчерашните избори.