Рано утрово по локално време во иранскиот пристанишен град Бандар Абас се слушнаа неколку експлозии, по што беше активиран системот за воздушна одбрана. Иранската револуционерна гарда првично објави три експлозии, повикувајќи се на неименувани извори, но официјалната потврда за причината не беше веднаш објавена.
Револуционерната гарда подоцна во соопштението соопшти дека звукот од експлозијата се слушнал во близина на аеродромот Бандар Абас и дека системот за воздушна одбрана бил „активиран за таргетирање непријателски цели“.
Иранската државна новинска агенција ИРНА, објави дека „се слушнале неколку последователни експлозии… чија причина сè уште не е објавена од официјални извори“.
Претходните извештаи велеа дека вооружените сили на Иран уништиле непријателски дрон во Персискиот Залив.
Агенцијата Фарс, повикувајќи се на сведоци, објави дека слични звуци се слушнале во Персискиот Залив во близина на градовите Сирик и Јаск.
Бандар Абас се наоѓа во јужен Иран и е стратешки лоциран во Ормутскиот теснец. Градот е дом на клучна иранска поморска и воздухопловна база.