Претседавачот на Организацијата за безбедност и соработка во Европа (ОБСЕ), претседател и министер за надворешни работи на Швајцарија Дидие Буркхалтер синоќа во Виена по разговорот со рускиот претседател Владимир Путин, изјави дека Русија сака да учествува во решавање на украинската криза.
– Разговорот за поддршка на мировниот план во целост беше позитивен, а по примирјето, целта е целосен прекин на судирите, изјави Буркхалтер по разговорот со Путин.
Според него во украинската криза не е се црно и бело и постојат некои страни што не сакаат примирје. Тој истакна дека постојат многу тензии и актери, како и дека главните актери, вклучително Русија може да бидат дел од решението.