Бројот на жртви во рускиот напад врз Киев се искачи на 23, а во тек е спасувачка операција, објави началникот на Воената администрација на градот Киев, Тимур Ткаченко.
„За жал, бројот на жртви во Киев се искачи на 23“, рече тој на Телеграм, пренесува Укринформ.
Ноќта помеѓу среда и четврток, руската војска започна комбиниран напад врз Киев, што резултираше со серија експлозии.
Значителни разурнувања беа регистрирани во областите Шевченковски, Холосеевски, Дарницки, Дњепровски и Десњански, пренесува Танјуг.
Меѓу загинатите има четири деца, а десетици лица беа повредени. Нападот беше изведен со вкупно 629 беспилотни летала и 31 ракета.