Бројот на жртви во превртувањето на траектот „Ким Нирвана“, што се случи во четвртокот во морето кај пристаништето Ормок на Филипините, се зголеми на 59 лица.
Како можна причина за несреќата се наведува и пренатрпаноста со патници и товар.
Доцна синоќа полицијата на Филипините покрена кривични пријави против сопственикот и екипажот поради предизвикување смрт на патниците.
Капетанот на крајбрежната стража Педро Тинампеј рече дека се спасени 140 луѓе и оти бродот е подигнат од водата.