Најмалку 111 лица, меѓу кои и деца, загинаа во минатонеделните катастрофални шумски пожари што го зафатија хавајскиот остров Мауи. Началникот на полицијата во Мауи, Џон Пелетиер, денеска изјави дека се очекува бројот на жртвите да се зголеми, а поголемиот дел од опожарената област допрва треба да се пребарува.
„Никој досега не видел вакво нешто, ниту оваа големина, ниту оваа бројка, ниту овој опсег. И сè уште не сме готови“, изјави Пелеје за Си-Ен-Ен.
Се очекува екипите со денови да ги пребаруваат јагленосаните остатоци на повеќе од 2.000 опожарени домови и други објекти, додаде тој.
Бројот на жители кои сè уште се водат за исчезнати е „веројатно над 1.000“, изјави претходно гувернерот на Хаваи Џош Грин за Си-Ен-Ен.