Бројот на повредени во нападот во Москва се зголеми на 360

Од:

Бројот на повредени во нападот во концертната сала „Крокус сити хол“ во Москва се искачи на 360, соопшти денеска медицинската служба.

„Според податоците од утринава, во терористичкиот напад се повредени 360 лица, меѓу кои 11 деца“, се наведува во соопштението кое го пренесува Тас.

Вкупно 92 лица повредени во нападот се хоспитализирани, додека 63 лица веќе се отпуштени од болниците, а 205 се на амбулантско лекување, додаде здравствениот претставник.

Исламската држава ја презеде одговорноста за терористичкиот напад во петокот вечерта во предградието на Москва, во кој загинаа најмалку 139 лица.

Во нападот се уапсени 11 осомничени, вклучително и четворица вооружени лица, кои беа приведени во областа Брјанск, југозападно од Москва, додека се обидуваа, според руските власти, да побараат засолниште поминувајќи ја блиската украинска граница.

Би можело да ве интересира

Русија: Се знае која разузнавачка служба е вмешана во нападот на „Крокус сити хол“

(ВИДЕО) Лажен аларм во театарот „Бољшој“ во Москва, евакуирани над 2.000 луѓе

Горан Наумовски

(ВОЗНЕМИРУВАЧКО ВИДЕО) Нови детали од оружениот инцидент во Франција, од непосредна близина пукале кон полицајците

Горан Наумовски

(ВИДЕО) Голема воена парада на Црвениот плоштад во Москва

Четворица тинејџери под истрага за нападот на германскиот пратеник Матијас Еке

Спасувачките тимови на мотоцикли ќе почнат да патролираат во Москва