Банката на Англија објави дека ниту една финансиска институција во земјата нема да мора да прибира дополнителен капитал за да ја поддржи својата финансиска база, за прв пат по 2014 година, откако започнаа со тестирање на отпорноста на банките на потенцијални економски шокови.
Најголемите банки во Велика Британија се отпорни на многу лоши сценарија, вклучувајќи и длабоки рецесии во земјата и во странство и нагло опаѓање на цените на имотот, се наведува во извештајот на стрес-тестот објавен од британската централна банка.