Познатиот британски уметник и забавувач Ралф Харис е уапсен и испрашуван во врска со истрагата што се води против него, за сексуална престапност, извршена во минатото.
Неговото апсење е дел од истрагата за скандалот со сексуланото насилство и педофилија на поранешниот водител на Би-Би-Си, сега починатиот Џими Савил и на неговите пријатели.
Харис (83) првпат е уапсен пред крајот на март, во својот дом во англиската област Беркшајар, но сега за прв пат јавно се споменува неговото име.
По испрашувањето тој е пуштен од притворот, за да се брани од слобода, со платена кауција. Следното сослушување е закажано за во текот на мај, но тој сега е само испрашуван во една полициска станица во јужен Лондон, во врска со целата истрага.
Ралф Харис е Австралиец по потекло, но тој веќе половина век живее и работи во Велика Британија, како угледен забавувач на разни манифестации и приредби посветени на децата, пишува книги, а е познат и како ликовен уметник. Тој е еден од досега, вкупно дванаесетмината уапсени, сите стари луѓе, во рамките на широката истрага за сексуална престапност во минатото.
Меѓу уапсените за кои се уште се води истрага е и некогашниот британски поп пејач Гари Глитер (69) кој еднаш веќе е осуден за педофилија. Како педофил беше осуден и во Виетнам, каде едно време живееше, но виетнамските власти подоцна го протераа и тој се врати во Велика Британија.