Британската Влада денеска објави дека во вторник во Долниот дом на Парламентот ќе се одржи второто гласање за договорот за брегзит, што е договорено со Брисел, изјави министерката за парламентарни прашања Андреа Ледсом.
Доколку договорот биде повторно отфрлен, премиерката Тереза Меј ќе дозволи да се гласа истата недела за тоа дали треба Британија да излезе од ЕУ без договор или да се одложи брегзит.
Меј претходно најави дека гласањата ќе се одржат во среда и четврток.
Брегзит е предвиден за 29 март.
Аналитичарите очекуваат дека договорот во вторник повторно ќе биде отфрлен.