Британскиот министер за образовение Демијан Хиндс изјави денеска дека владата не планира повторно референдум за Брегзит, а со тоа ги негираше наводите на министри дека се разгледува можност за такво гласање.
Хиндс за Скај њуз рече дека нов референдум би предизвикал поделби.
– Народот веќе гласаше, референдум имавме и сега мора да ги спроведеме во дело резултатите од тоа гласање, изјави министерот.
Тој го оквалификува како „избалансиран“ договорот на премиерката Тереза Меј со ЕУ за напуштањето и смета дека пратениците треба да го поддржат.