Во заедничка акција на шпионската мрежа на МИ6, американската ЦИА и израелски Мосад, тајни руски податоци се прошверцувани во обична вреќичка чај, пишува таблоидот „Дејли Меил“.
Според британскиот весник, тајните руски податоци се прошверцувани на лет на суперсоничен бомбардер за Венецуела.
Целта на операцијата била да се добијат информации за најновата верзија на рускиот стратешки бомбардер „Тупољев“ ТУ-160, поради стравување дека би можел да стане недопирлива цел за постоечките пресретнувачи во случај на потенцијален судир.