Прити Пател поднесе оставка од функцијата министерка за меѓународен развој по денешната средба со премиерката Тереза Меј, а во врска со неофицијалните средби со израелски министри, бизнисмени и лобисти.
Таа го прекршила протоколот и се среќавала со политичари, вклучувајќи го и премиерот на Израел, Бењамин Нетанјаху, без за тоа да ја извести британската влада.
Освен тоа, Пател ја посетила и израелската воена мобилна болница на Голанската Висорамнина, каде се наоѓаат повредени лица од Сирија.
Пател е втор член на британската Влада кој заминува од функцијата за краток период, откако министерот за одбрана Мајкл Фалон на 1 ноември поднесе оставка по обвинувањата за сексуално вознемирување.