Британија воведува привремена забрана за француските рибари

Од:

Француското Министерство за земјоделство денеска соопшти дека Велика Британија привремено им забрани на француските рибари да ловат во водите крај Гернзи, остров во Ламанш, во близина на француска Нормандија.

Како што пренесуваат странските агенции, оваа забрана е издадена заради административни измени по Брегзит, кои, како што се очекува, треба да бидат надминати во наредните денови.

Договорот за слободен пристап до водите кај Гернзи се засноваше на Европскиот договор за риболов, кој автоматски престана да важи по излегувањето на Велика Британија од ЕУ.

Претстојат нови преговори меѓу Брисел и Лондон за пост-Брегзит трговски договор.

Локалните власти на Гернзи одлучија да воспостават нов систем според кој рибарските бродови мора да добијат поединечни дозволи за влез во зоната од 6 до 12 милји крај брегот на островот.

Француското Министерство за земјоделство најави дека следната недела ќе биде воведена постапка за добивање на овие лиценци.

„Дотогаш пристапот до водите околу Гернзи е суспендиран за француските рибари“, се наведува во соопштението на Министерството.

Би можело да ве интересира

ВИДЕО: Во Франција горат 900 тони литиумски батерии

Во Франција, бројот на случаи на сифилис се зголеми за 110% за две години

Велика Британија: Полицијата нуди 23.000 евра за помош за апсење на напаѓачот од Клепам

Горан Наумовски

Франција бара од Приштина веднаш да ја прекине одлуката за забрана на динарот

Француската полиција приведе 18 земјоделци

Земјоделците втор ден ги блокираат автопатите околу Париз