Градските власти на Брисел побараа од тутунската индустрија да преземе дел од трошоците за собирање отпушоци од улиците на белгискиот главен град, бидејќи е забележано дека тој вид на смет има тренд на раст.
Во писмо испратено до филијалата на американската компанија „Филип Морис“ и до белгиските компании „Цимабел“ и „Фетабел“, локалните власти бараат да учествуваат со околу 200.000 евра во расходите за чистење на отпушоците од улиците.
Околу десет милиони отпушоци дневно се фрлаат во Белгија, а од нив најмногу во Брисел и околината.