Наводно светското првенство требаше да им донесе богат месец на проститутките во Бразил но работите не се одвиваат според планот на “продавачките на љубов”.
Многу од нив се пожалија дека не заработуваат доволно пари.
– Градот е преполн, но тоа не ни помага. Бразилците мислат само на пиење и јадење по рестораните, а странците се свињи, кои никогаш не трошат пари. Тие се жалат на цените, за хотелите, за кои треба да плаќаат. Не сме задоволни, изјави Бруна, која работи во Форталезе.
Уште една проститутка исто така се пожали:
– Работев со неколку Бразилци, но не сум се ни доближила до сумата што ја планирав. Очигледно ја кренавме цената до 70 реали (32$), а јас наплаќам и 120 реали (54$). Но, повеќето фанови плаќаат со пијачки и билети, изјави проститутката.
Проститутките се пожалија и на полицијата која ги следи за да не се појавуваат пред странците.
– Странците доаѓаат тука, целите се валкани, а ние сме должни да излегуваме со нив. Немав идеја дека ќе биде така. Пијат по цел ден, се пијанчат и не трошат пари за нас, раскажува Никол.
Таа и нејзините колешки сонуваат за германските навивачи.
– Ги сакам Германците. Тие се оние кои имаат пари и изгледаат навистина чисто. Треба да се опоравиме од загубата во првата недела на Мундијалот, вели Никол.