Бразил си постави цел да ја намали до 2025 година емисијата на штетни гасови за 37 отсто во однос на нивото од 2005 година, изјави бразилската претседателка Дилма Русеф на самитот за одржлив развој пред сесијата на Генералното собрание на Обединетите нации во Њујорк.
Русеф нагласи дека на тој начин Бразил ќе даде свој придонес во програмата за борба со климатските промени на ОН.
Таа додаде дека Бразил си поставил цел до 2030 година да ја намали емисијата на штетни гасови за 43 отсто.