Високиот претставник на ЕУ за надворешна политика и безбедност Жозеп Борел изјави денеска, по пристигнувањето на состанокот на Советот за надворешни работи на ЕУ, дека земјите-членки на ЕУ ќе предложат санкции против одговорните за смртта на рускиот опозициски лидер Алексеј Навални.
„И самиот Путин е одговорен“, изјави Борел пред новинарите во Брисел.
Тој посочи дека ЕУ мора да продолжи да ги поддржува Украина и рускиот народ на политички и воен фронт.