Привремената конзервативна претседателка на Боливија, Жанин Анез ја повлече својата кандидатура за изборите на 18 октомври, откако стана јасно дека според анкетите таа заостанува зад Социјалистичката партија на поранешниот претседател Ево Моралес.
Анез го објави ова во видео порака.
NO ES UN SACRIFICIO, ES UN HONOR
Hoy dejo de lado mi candidatura en homenaje a la libertad y a la democracia.
Lo que está en juego en esta elección no es poca cosa. De verdad, está en juego la democracia en Bolivia. pic.twitter.com/vpbKKWaeou— Jeanine Añez Chavez (@JeanineAnez) September 18, 2020
Таа ја презеде функцијата за време на вакуумот на власта кон крајот на минатата година, по изборите што предизвикаа масовни протести и доведоа до оставка на долгогодишниот лидер Моралес.
Кандидатурата на Анез предизвика контроверзи, откако првично ја отфрли и вети дека ќе ја води земјата до нови транспарентни избори. Во анкетите води социјалистичкиот кандидат Луис Арсе, а го следи центристот Карлос Меса.