Американскиот државен секретар Ентони Блинкен пристигна денеска во Индонезија, со што ја почна посетата на Југоисточна Азија, со цел зајакнување на врските во регионот, кој стана стратешко борбено поле меѓу Вашингтон и Пекинг.
Во својата прва посета на Југоисточна Азија откако американскиот претседател Џо Бајден ја презеде функцијата во јануари, Блинкен оваа недела ќе престојува во Малезија и Тајланд по посетата на Џакарта, каде ќе се сретне со претседателот Џоко Видодо. Утре ќе одржи говор за американската индо-пацифичка стратегија.
Југоисточна Азија е клучна арена на ривалство меѓу САД и Кина, двете најголеми економии во светот. Администрацијата на Бајден се обидува повторно да се поврзе со овој регион откако посветеноста на САД кон регионот беше доведена во прашање за време на поранешниот претседател Доналд Трамп.