Шведскиот министер за надворешни работи Карл Билт денеска изјави дека и покрај тешкотиите за постигнување на договор меѓу Белград и Приштина не треба да се откажат напорите за таа цел.
– И покрај тешкотиите не треба да се откажеме од напорите за Белград и Приштина да постигнат договор, објави Билт на својот „Твитер“ профил.
Министерот за надворешни работи на Шведска, пред една недела додека во Брисел се уште траеше дијалогот меѓу Белград и Приштина, исто така на „Твитер“ објави дека постигнувањето на договор ќе претставува значаен чекор напред кон Европската унија за двете страни.