Тајната програма за собирање податоци „Призма“ на американската Агенцијата за национална безбедност (НСА) била користена од командната структура на германските сили во Авганистан за следење на лица осомничени за терористички активности, објави германскиот весник „Билд“.
Според весникот, во доверлив документ на НАТО се неведува дека командата на германските сили во Авганистан во септември 2011 година била информирана за постоење на програмата „Призма“, наменета за следење и собирање податоци.
Станува збор за наредба, издадена на 1 септември 2011 година од Штабот на НАТО во Кабул до регионалните командни структури на Меѓународните сили за поддршка на безбедноста во Авганистан.
Таа содржела насоки дека овие структури од 15 септември 2011 година се должни да ги прислушуваат телефонски разговори и да ги следат дописите на електронската пошта, за што била користена програмата „Призма“.