Билансот на загинатите во поплавите во американските држави Јужна и Северна Каролина достигна 16 лица, јави ДПА.
И покрај тоа што интензитетот на дождовите е намален, голем број луѓе останаа блокирани во домовите, поради поплавените улици, а илјадници се без вода или електрична енергија.
Опасноста се уште не е помината, смета Стивен Бенџамин, градоначалник на градот Колумбија, во Јужна Каролина, каде 800 лица се сместени во времени живеалишта.
Тристотини патишта и 160 мостови се затворени. Гувернерката на Јужна Каролина Ники Хејли ги повика на прес-конференција возачите да ги почитуваат полициските барикади на поплавените патишта.
Таа додаде дека се уште не може да се процени вредноста на штетите од поплавите.