Претседателката на Генералното собрание на ОН, Анален Бербок, изјави дека смета дека новата организација за обезбедување светски мир, како онаа што ја предложи американскиот претседател Доналд Трамп преку основањето на Советот за мир, е непотребна.
– Веќе постои меѓународна организација чија централна задача и цел е одржување на светскиот мир и меѓународната безбедност. Тоа се Обединетите нации, во кои, со многу добра причина, сите држави во светот, без оглед на нивната големина, економска или воена сила, имаат место и право на глас, изјави Бербок.
Бербок рече дека Повелбата на ОН не е само „убава работа“, туку е неопходна за мир, безбедност и просперитет во светот.