Белоруските граничари пресретнале и собориле украинско беспилотно летало што се користело за фрлање експлозив, соопшти денеска Комитетот за гранична стража.
Инцидентот се случил во регионот Гомел на 2 ноември, на еден километар од белоруско-украинската граница, се наведува во соопштението, пренесе Тасс.
Во дронот се откриени снимки и видеа, што укажува на тоа дека леталото било опремено со инфрацрвен систем за снимање, како и дека бил опремен за фрлање експлозиви и извидување и испитување на објекти за техничка заштита на границите на територијата на Белорусија, соопшти белорускиот комитет.