Во шумите, во близина на Белоруската претстолнина Минск, Кина работи на изградба на индустриски град кој треба да биде отскочна даска за извоз на нејзините производи во државите на ЕУ и Русија.
Претседателот на Белорусија Александер Лукашенко за таа цел го намени подрачјето околу меѓународниот аеродром во Минск, каде што во вредност од 5 милијарди долари ќе биде изграден град за околу 150.000 лица.
Овој модерен град на евроазискиот континент ќе се протега околу автопатот кој ги поврзува Москва и Берлин, преку Полска и Белорусија.
Меѓународниот аеродром и центарот на градот ќе бидат поврзани со железничка пруга, а енергија ќе добива од нуклеарната централа, која што Русија се согласи да ја финансира и изгради до 2018 година.
Елена Георгиевска