Белгиската полиција денеска пронајде 12 мигранти во камион-ладилник на еден паркинг на автопат во северниот дел на Белгија.
Полицијата интервенирала откако добила повик од возачот на камионот, истакна портпаролка на федералната полиција.
Возачот, кој превезувал овошје и зеленчук, ја повикал полицијата и биле пронајдени 12 мажи од сириско и суданско потекло. Мигрантите биле однесени во Канцеларијата за имиграција во Антверпен.
Минатата недела во Британија, во камион-ладилник пронајдени се тела на 39 мигранти. Камионот во Британија пристигнал од белгиското пристаниште Зебриж.