САД сакаат да продолжат со блиска соработка со Јемен во борбата против тероризмот и не гледаат тоа што бунтовници ја презеле власта како знак дека Иран или Ал Каеда ја контролираат ситуацијата во таа држава, соопшти Белата куќа.
Портпарол на Белата куќа изјави дека не е запознат дека има промени во врска со нападите на американски беспилотни летала врз припадници на Ал Каеда во Јемен што Вашингтон ги извршува со поддршка на соборениот претседател Абед Рабо Мансур Хади.
Тој поднесе оставка наведувајќи дека државата е во целосен колапс. Претходно и премиерот на Јемен и Владата поднесоа оставки.