Лидерот на ирачките Курди Масуд Барзани денеска изјави дека е време Курдите да одржат референдум за државност.
– Дојде времето и сега постојат поволни услови народот да донесе одлука за својата иднина на референдум, истакна Барзани.
Тој додаде дека референдумот веднаш не би водел кон прогласување на држава, туку би бил показател на волјата и мислењето на народот на Курдистан за нивната иднина.
Но, Барзани не прецизира кога би се одржал референдумот.
На патот кон курдската независност има политички предизвици, но и големи економски проблеми поради ниската цена на нафтата.