Портпаролот на каталонската регионална Влада Жорди Туруљ денеска изјави дека Барселона не планира да го смени одговорот што веќе им го даде на шпанските власти и дека нема да се откаже од прогласувањето независност.
Според шпанската Влада, најавата за независност на Каталонија е неприфатлива и може да води кон укинување на автономијата на овој шпански регион.
По најавата на претседателот на каталонската Влада Карлос Пуџдемон за прогласување на независност на Каталонија, но со одложено дејство, со цел да остави простор за разговори со Мадрид, централните власти и дадоа рок на Барселона до четврток да даде дециден одговор дали прогласува независност или не.
– В четврток нема да дадеме поинаков одговор од тој што го дадовме во понеделник, изјави Туруљ.