Претседателот на Европската комисија Жозе Мануел Баросо денеска, за време на состанокот со палестинскиот премиер Салам Фајад во Рамала апелираше за повторно почнување на израелско-палестинските преговори.
– Пореметувањата во арапскиот свет, чии сме сведоци, треба да бидат мотив, а не пречка за обновување на преговорите, рече Баросо.
Тој нагласи дека ставањето крај на израелско-палестинскиот конфликт е „стратешки приоритет“ на ЕУ.
Тој вчера ја почна својата прва посета на Израел и на палестинските територии, од кога е избран за претседател на Еврокомисијата.
Израелско-палестинските преговори блокирани се од септември 2010 и покрај напорите на Четворката за Блискиот исток, составена од САД, ЕУ, Русија и ОН.