Шефот на израелската разузнавачка служба Мосад, Дејвид Барнеа, денес го обвини Иран дека продолжува со своите напори за развој на нуклеарно оружје и негова употреба против Израел.
– Иран не се откажал од својата амбиција да ја уништи државата Израел. Идејата за продолжување на развојот на нуклеарна бомба сè уште им чука во срцата, рече Барнеа, објави Блумберг.
Според него, одговорност на Израел е да се осигура дека нуклеарната програма на Иран, која беше сериозно оштетена во заедничкиот напад на американските и израелските сили претходно оваа година, нема да биде реактивирана.
„Иран верува дека може повторно да го измами светот и да постигне уште еден лош нуклеарен договор. Ние не сме дозволиле и нема да дозволиме да се материјализира лош договор“, рече Барнеа.