Во урнатините на зградата во Дака, изби пожар, кој го отежнува спасувањето на преживеаните.
Според првичните информации, пожарот е предизвикан од искри од машина која се употребува за расчистување на урнатите делови.Четири пожарникари се префрлени во болница, пренесе „Би би си“.
Од еден дел од урнатините излегува чад, поради што спасувањето е прекинато.
Бидејќи во зградата се наоѓаше фабрика за облека, се стравува дека текстилот може да го зголеми пожарот.
Две лица денес се извлечени живи, а спасувачите се обидуваат да спасат уште еден преживеан, но мали се надежите дека уште некој може да биде пронајден жив.
Во несреќата до сега загинаа 377 лица, додека илјадници членови на семејства на исчезнатите работници и понатаму чекаат на местото на несреќата, каде што спасувачите уште извлекуваат загинати и преживеани.
Сопственикот на зградата Рана Плаза, во која се произведуваше ефтина облека за западните брендови, уапсен е во близина на индиската граница и со хелокоптер е вратен во Дака.
Елена Георгиевска