Генералниот секретар на Обединетите нации, Бан Ки Мун изрази загриженост поради апсењата на лидерите на организацијата Муслимански браќа и други во Египет.
Во телефонскиот разговор со египетскиот министер за надворешни работи Мухамед Камал Амра, Бан нагласил дека нема место за одмазда или исклучување на која било голема партија или заедница во Египет, се наведува во соопштението на Канцеларијата на генералниот секретар.
Во среда египетскиот јавен обвинител наложил приведување на лидерот на Муслиманси браќа, Мохамед Бадиеј и уште неколку високи исламисти, под обвинение дека поттикнуваат насилство.
Мун го потсети Амра на меѓународните обврски на Египет и потребата во потполност да се почитуваат правото на слобода, говор и одбрана, наведе „Ројтерс“.
Eлена Георгиевска